औद्योगिक व्यवसाय विकास प्रतिष्ठानले स्टार्टअप उद्यम कर्जा लिन इच्छुक उद्यमीहरूबाट परियोजना प्रस्ताव माग गरेको छ।
प्रतिष्ठानले जारी गरेको सूचनाअनुसार कार्यविधिको दफा ४ अनुसार योग्यता पूरा गरेका सूची–१ बमोजिमका व्यक्तिहरूले नविनतम ज्ञान, सोच, सीप र क्षमता भएका स्टार्टअप उद्यम सञ्चालनका लागि परियोजना प्रस्ताव पेस गर्न सक्नेछन्। कर्जा सुविधाका लागि कुनै उत्पादन तथा सेवा सम्बन्धि कुनैपनि उद्यम उद्योगको रुपमा कुनै सरकारी निकायमा दर्ता भएको, प्यान भ्याट भएको, कर चुक्ता, अडिट रिपोर्ट र दर्ता नविकरण भएका उद्यमीहरु कर्जा आवेदनका लागि योग्य हुनेछन् । प्रतिष्ठानले व्यवसाय हेरी ५ लाख देखि २० लाख रुपैयासम्म वार्षिक ३ प्रतिशत ब्याजदरमा कर्जा उपलब्ध गराउनेछ ।
सूचना प्रकाशित भएको मितिले २१ दिनभित्र सूची–४ बमोजिम तोकिएको स्थानमा प्रस्ताव पेश गर्नुपर्ने जनाएको छ। साथै, इच्छुक उद्यमीहरूले अनलाइन माध्यमबाट पनि आफ्नो प्रस्ताव पेश गर्न सक्नेछन्। प्रतिष्ठानको वेबसाइट https://sams.iedi.gov.np
बाट पनि अनलाईन आवेदन दिन सकिनेछ । कर्जा कार्यक्रमसँग सम्बन्धित विस्तृत जानकारी तथा प्रस्ताव फारम प्रतिष्ठानको वेबसाइट https://iedi.gov.np मा उपलब्ध रहेको छ।
उक्त कार्यक्रम स्टार्टअप व्यवसायहरूलाई आवश्यक वित्तीय सहयोगमार्फत नवप्रवर्तन र उद्यमशीलतालाई प्रोत्साहन गर्ने उद्देश्यले ल्याइएको हो।
