दुई वर्षअघि रोजगार अनुमति प्रणाली ९ईपीएस० मार्फत भाषा र सीप परीक्षा पास गरेका युवाहरू अझै दक्षिण कोरिया जान नपाएपछि उनीहरूले आन्दोलन सुरु गरेका छन्।
कोरिया पठाउन ढिलाइ भएको विरोधमा उनीहरूले बिहीबार ललितपुरको ग्वार्कोस्थित वैदेशिक रोजगार विभागको ईपीएस कोरिया शाखा घेराउ गरेका हुन्।
सन् २०२५ का लागि आयोजित परीक्षामा १ लाख ६३ हजार जना सहभागी भएका थिए, जसमा १७ हजार ३० जना भाषा परीक्षामा सफल भएका थिए। तर, तीमध्ये अधिकांश युवाहरूले अहिलेसम्म रोजगार करारसमेत गर्न पाएका छैनन्। उनीहरूले नयाँ परीक्षा वा अन्य प्रक्रिया अघि बढाउनु भन्दा पहिले, पहिलेका पास कामदारहरूलाई प्राथमिकताका साथ कोरिया पठाउनु पर्ने बताएका छन् ।
ईपीएस प्रणाली अन्तर्गत दक्षिण कोरियाले सन् २००८ देखि अदक्ष नेपाली कामदारहरू लैजान थालेको हो। हाल करिब १ लाख नेपाली कोरियामा कार्यरत छन्।
