गैरआवासीय नेपाली संघ (एनआरएनए) को २०२५–२०२७ कार्यकालका लागि सदस्यता विवरण सार्वजनिक गरिएको छ। एनआरएनएका अनुसार हालसम्म कुल ८०,३६२ जना सदस्यता स्वीकृत गरिएका छन्, जसमा विश्वभरका नेपालीहरुको उल्लेखनीय सहभागिता देखिएको छ।
संघका अनुसार ५८ वटा राष्ट्रिय समन्वय परिषद् (एनसीसी) मा निर्वाचन प्रक्रिया सम्पन्न भइसकेको छ भने अन्य देशहरूमा निर्वाचनको तयारी भइरहेको छ।
क्षेत्रगत रूपमा हेर्दा एशिया प्यासिफिक क्षेत्रबाट सबैभन्दा बढी अर्थात् २२,३७९ सदस्य (२८%) सहभागी भएका छन्। त्यसपछि अमेरिकाजबाट १६,७६४ सदस्य (२१%), ओसिनियाबाट १६,५३८ सदस्य (२१%), युरोपबाट १२,२०१ सदस्य (१५%), मध्य पूर्वबाट ११,५७३ सदस्य (१४%) र अफ्रिकाबाट ९०७ सदस्य (१%) रहेका छन्।
निर्वाचन सम्पन्न भएका देशहरूको भूगोलीय अवस्था:
एनआरएनए निर्वाचन यसपटक अफ्रिकाबाट ९, अमेरिकाजबाट ५, एशिया प्यासिफिकबाट १०, युरोपबाट २५, मध्य पूर्वबाट ६ र ओसिनियाबाट ३ देशमा सम्पन्न भइसकेको छ।
🔸 अफ्रिका: कंगो, घाना, केन्या, रुवान्डा, सेसेल्स, दक्षिण सुडान, तान्जानिया, युगान्डा, जाम्बिया
🔸 अमेरिकाज: कोलम्बिया, क्यानाडा, चिली, ब्राजिल, अमेरिका
🔸 एशिया प्यासिफिक: कम्बोडिया, चीन, हङकङ, जापान, दक्षिण कोरिया, मकाउ, मलेसिया, म्यानमार, फिलिपिन्स, थाईल्यान्ड
🔸 युरोप: अष्ट्रिया, बेल्जियम, साइप्रस, चेक गणराज्य, डेनमार्क, फ्रान्स, जर्मनी, हङ्गेरी, आइसल्याण्ड, आयरल्याण्ड, इजरायल, किर्गिस्तान, माल्टा, मोल्डोभा, नेदरल्याण्ड्स, नर्वे, पोल्यान्ड, पोर्चुगल, रसिया, स्पेन, स्वीडेन, स्वीट्जरल्यान्ड, टर्की, युके, स्लोभेनिया
🔸 मध्य पूर्व: बहराइन, कुवेत, ओमान, कतार, साउदी अरेबिया, युएई
🔸 ओसिनिया: अस्ट्रेलिया, न्यूजिल्याण्ड, पपुआ न्यूगिनी
यसपालिको सदस्यता र निर्वाचन प्रक्रियामा देखिएको उत्साहले एनआरएन आन्दोलनमा विश्वभर रहेका नेपालीहरूको विश्वास र प्रतिबद्धता झल्काएको दाबी एनआरएनएले गरेको छ । संघले आगामी दिनमा बाँकी रहेका देशहरूमा पनि निर्वाचन प्रक्रिया अघि बढाउने तयारी गरेको छ।
एनआरएन अभियान नेपाली डायस्पोराको साझा मञ्चमात्र नभई नेपाल र विदेशबीचको सम्बन्धलाई अझ मजबुत बनाउने सेतुको रूपमा अगाडि बढिरहेको छ।
