दक्षिण कोरिया रोजगारीका लागि रोजगार अनुमति प्रणाली (ईपीएस) मार्फत आवेदन दिएका युवाहरूको भाषा परीक्षा सोमबार देखि सुरु भएको छ। पहिलो चरणमा उत्पादन क्षेत्रमा आवेदन दिएका उमेदवारहरूको परीक्षा सञ्चालन हुँदैछ।
सन् २०२५ मा कोरिया जान ईपीएसमार्फत एक लाख दुई हजार ५१५ जनाले आवेदन दिएका छन्। तीमध्ये सबैभन्दा धेरै ६७ हजार युवाले उत्पादन क्षेत्र रोजेकाले उनीहरूलाई प्राथमिकतामा राख्दै परीक्षा थालिएको वैदेशिक रोजगार विभागको ईपीएस शाखाले जनाएको छ।
दोस्रो चरणमा कृषि तथा पशुपालन क्षेत्रका परीक्षार्थीहरूको परीक्षा हुनेछ। ३५ हजार जना यस क्षेत्रमा आवेदन दिएका छन्।
यसअघि रोस्टरमा रहेका युवाहरूले आफूहरूलाई पहिला कोरिया पठाउनुपर्ने माग गर्दै भाषा परीक्षा नगर्न आग्रह गर्दै आएका थिए। यस्तै परिस्थितिमा पनि उत्पादन क्षेत्रका युवाहरूको परीक्षा निर्धारण गरिएको हो।
You must be logged in to post a comment.