काठमाडौं — आर्थिक वर्ष २०८२र८३ को श्रावण महिनामा कुल ६८ हजार ११० नेपाली श्रमिकलाई वैदेशिक रोजगारीको अन्तिम श्रम स्वीकृति लिएका छन्। वैदेशिक रोजगार विभागले प्रकाशित विवरणअनुसार, यस अवधिमा ५८ हजार ९४८ पुरुष र ९१६२ महिला ले वैदेशिक रोजगारका लागि श्रम स्वीकृति पाएका हुन् । गत वर्ष श्रावण मा करिब ५९ हजार श्रमिकले अन्तिम श्रम स्वीकृति पाएका थिए। यस वर्ष यो संख्या करिब ९ हजारले बढी हो ।
प्रमुख गन्तव्य
- सबैभन्दा धेरै श्रमिक संयुक्त अरब इमिरेट्स (UAE) पुगेका छन् — करिब २३ हजार ८३८ जना।
- त्यसपछि साउदी अरब (९८८५), कतार (१२,०८४), मलेसिया (५६२३), र कुवेत (४०७०) प्रमुख गन्तव्य बनेका छन्।
जिल्ला अनुसार
जिल्लामध्ये सबैभन्दा बढी श्रमिक धनुषा (३३४८), सिरहा (२८५५), सर्लाही (२१४४), रुपन्देही (२१०३) र झापा (२९६१) बाट वैदेशिक रोजगारीका लागि गएका छन्। काठमाण्डौंबाट पनि करिब ८५९ जनाले अन्तिम स्वीकृति लिएका छन्।
